Ақтауда жол сызықтарын сызу жұмыстары жүріп жатыр

Ақтауда автомобиль жолдарына 1 наурыздан бастап 1825 м2 шұңқырлы жөндеу жұмыстарын жүргізді, деп хабарлайды mangystaumedia.kz.

Қала әкімдігінің баспасөз қызметінің хабарлауынша, аталған жұмыстарға 7 техника және 15 жұмысшы жұмылдырылды. Асфальт төсеу жұмыстары мына мекен-жайлар бойынша жүргізілді:

• №25 автомобиль жолы, 33 ш/а «Дина» гипермаркетінен бастап «Сақ» базарына дейін;
• №19 автомобиль жолы, 12 және 13 ш/а, 20 және 19А ш/а аралығы;
• №12 автомобиль жолы, «Каспий жылу, су арнасы» МКК-дан бастап Жалау Мыңбайұлының ескерткішіне дейін.
• №9Г автомобиль жолы; 27 шағын аудан Жасыл базар маңы;
• №5 автомобиль жолы, Қарттар үйінен бастап «Каспий» футбол клубына дейін;
• №6 автомобиль жолы, 1 және 1А ш/а аралығы;
• №8 автомобиль жолы, 4 ш/а 1-үй маңы.

- Шұңқыр жолдарды жөндеу жұмыстары 1 наурыздан бастап жүргізіліп жатыр. Қазіргі таңда 1825 м2 асфальт төселді. Бұдан бөлек, мердігер компания қызметкерлері жол сызықтарын сызу, бағдаршамдарды, аялдамаларды тазалау және жол жиектерін сыпыру жұмыстарын жүргізуде, - деді Ақтау қалалық жолаушылар көлігі және автомобиль жолдары бөлімінің басшысы Асхат Нұрмұхан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.