Ақтауда жылу мен суға тарифтер төмендетілді

Қазақстан Республикасы Ұлттық экономика министрлігінің Табиғи монополияларды реттеу комитетінің Маңғыстау облысы бойынша департаменті Ақтау қаласының тұтынушылары үшін «Каспий жылу, су арнасы» МКК-ның суды таратушы желілері арқылы беру, жылу энергиясын беру және тарату бойынша көрсететін қызметтері үшін тарифтерді төмендетті.

Бұл шара Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығымен бекітілген Тарифтерді қалыптастыру қағидаларының 40-тармағына сәйкес инвестициялық бағдарлама сомасының төмендеуіне байланысты қабылданды.

Бұрын тарату желілері бойынша (ыстық су) су беру жөніндегі реттеліп көрсетілетін қызметтің тарифі 1 м3 үшін ҚҚС-сыз 98,16 теңгені құраса, төмендету барысында тариф 97,55 теңгеге төмендетіліп, төмендеу 0,62% -ды құрады, ал жылу энергиясын беру және бөлу бойынша қызметтер үшін тариф 1 Гкалл үшін ҚҚС-сыз 685,07 теңге көлемінде болып, нәтижесінде тариф 683,66 теңгеге төмендетіліп, төмендеу 0,21% - құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.