Ақтауда жерасты қоқыс контейнерлері пайда болуы мүмкін

© turbotehsnab.ru

Қазір қалада қоқыс желмен ұшып, коммуналдық қызметкерлердің еңбегін түкке тұрғысыз етеді. Соның салдарынан зиянкестер, атап айтқанда, егеуқұйрықтар қаптайды, қоқыс жиі өртенеді, аптап ыстықта иісі қолқаны алады. Сондықтан кәсіпкерлер жерасты контейнерлерін орнатуды ұсынып отыр, - деп хабарлайды mangystaumedia.kz.

Мұндай жерасты контейнерлері жаңа тұрғын үй кешендерінің біріне орнатылған. Арнайы жабдықты пайдалануды қажет етпейді.

«Үкімет отырысында Премьер-Министр Олжас Бектенов кейбір өңірлерде қалдықтарды жинау мен шығаруды тиімді ұйымдастыру әлі да ақсап тұрғанын айтты. Барлық жерде рұқсат етілмеген полигондар бар, олар дер кезінде жойылмайды. Қаламыздағы қоқыс үйінділері қалай көрінеді? Жағымсыз иісі бар, оларды өртеп жібереді, қоқыс желмен ұшып, салдарынан егеуқұйрықтар мен тарақандар көбейеді. Барлық қоқыс контейнерін жер астынан тастау керек. Гидравликалық платформадағы резервуар жер астында орналасқан, ыңғайлы көтеру механизмі бар, қосымша арнайы жабдықты немесе әртүрлі манипуляторларды қажет етпейді. Сонымен қатар, аталған платформалар Қазақстанда шығарылады, яғни бұл толығымен қазақстандық контент», - деп атап өтті «Express Story Group» ЖШС директоры Данияр Сандыбаев.

Қаладағы бар резервуарлардың көлемі - 0,75 текше метр, жерасты - 1,2 текше метр. Мамандардың айтуынша, мұндай жәшіктер қоқыс мәселесін бірден шешеді. Алайда қала әкімдігі кәсіпкерлердің ұсынысын қолдамады. Керісінше, кәсіпкерлерге жаңа тұрғын үй кешендерін салушылармен келіссөздер жүргізіп, орын алуын ұсынды. Ал қолданыстағы тұрғын үй кешендерінің жанында бос орын жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.