Ақтауда жаңа құбырларды монтаждау жұмыстары жүргізіліп жатыр

Ақтауда магистральдық инженерлік желілерді жаңарту жұмыстары жүргізілуде. Қазіргі таңда қалаға 4,5 шақырым жаңа құбырлар келді. Бұл туралы «Алматыинжстрой» АҚ учаске басшысы Бақытжан Мұхамеджанов айтты, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Биыл 11,3 шақырым магистральдық инженерлік желілер жаңартылуда. «Алматыинжстрой» АҚ мәліметі бойынша, жаңа құбырларды орнату жұмыстары 27 және 28-шағын аудан арасында, 29-шағын аудан, 12 шағын аудан, өндірістік аймақта жүргізілуде.

-Қазіргі таңда қалаға диаметрі 530 мм 4,5 шақырым жаңа құбырлар келді. Мамандар қазіргі таңда жаңа құбырларды орнатып, монтаждау жұмыстарын бастап кетті. 4 шақырымы осы айда келеді. Құбырлар барлық детальдарымен бірге жіберіледі. Жалпы барлық жаңа құбырлар қалаға шамамен тамыздың 10-15 күндері келеді. Барлық жұмыстар аяқталғаннан кейін серіктестік тарапынан абаттандыру элементтерін қалпына келтіру жұмыстары жасалады, - деді «Алматыинжстрой» АҚ учаске басшысы Бақытжан Мұхамеджанов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.