Ақтау қалалық кәсіпкерлік және ауыл шаруашылығы бөлімінің ұйымдастыруымен 26-шағынаудан «Достық» сауда үйінің маңындағы заңсыз сауда орындарына мониторинг жүргізілді,- деп хабарлайды mangystaumedia.kz.
Қала әкімдігінің баспасөз қызметінің хабарлауынша, шараға Ақтау қаласы әкімінің орынбасары Дархан Абдалиев, қалалық кәсіпкерлік және ауыл шаруашылығы бөлімі, қалалық сәулет және қала құрылысы бөлімі, қалалық тұрғын-үй коммуналдық шаруашылық бөлімі мен полиция қызметкерлері қатысты.
Мониторинг жұмыстары барысында 26-шағын аудан «Достық» сауда үйінің маңында кәсіпкерлерге заңсыз сауда орнын алып тастау бойынша хабарлама берілді. Сонымен қатар, жауаптылар сауда орындарының иелеріне тазалық бойынша түсіндірме жұмыстарын жүргізді.
Әрбір сауда орнының жеке өзінің қоқыс контейнері болуы керек. Ол үшін кәсіпкер қоқыс шығарушы компаниямен келісім шартқа отыруы қажет. Яғни сауда орнынан шыққан қоқысты тұрғындардың контейнеріне тастауға болмайды. Тазалықты сақтамаған кәсіп иелері ҚР Әкімшілік құқық бұзушылық кодексінің 505-бабы қалалар мен елдi мекендердiң аумақтарын абаттандыру қағидаларын бұзу бойынша жауапқа тартылады. Сауда орындарына қалалық кәсіпкерлік және ауыл шаруашылығы бөлімі тарапынан тұрақты түрде мониторинг жұмыстары жүргізіліп отырады, - деді Ақтау қаласы әкімінің орынбасары Дархан Абдалиев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
