Ақтауда үздік әскери қызметшілер студенттермен кездесті

Жастарға тәрбие беру аясында теңіз жаяу әскерлерінің үздік әскери қызметшілері Ш. Есенов атындағы колледж студенттерімен кездесті, деп хабарлайды mangystaumedia.kz Қорғаныс министрлігіне сілтеме жасап.

Кездесуде әскерилер Қарулы Күштерінің құрылу тарихы және теңіз жаяу әскерлерінің қызметі қалай өтетіні туралы айтып берді. Студенттерге Қорғаныс министрлігінің жоғары оқу орындарына түсу жолдары мен әскери мансаптың болашағы туралы да түсіндірді.

Студенттерге теңіз жаяу әскерлерінің жауынгерлік және күнделікті қызметі туралы бейнероликтер мен фотосуреттер көрсетілді. Тәрбие және идеологиялық жұмыс бөлімінің әскери қызметшілері бөлімшенің жүріп өткен жауынгерлік жолы мен Отанды ерлікпен қорғаған батырлар туралы әңгімеледі.

Жиын соңында студенттер теңіз жаяу әскерлеріне өздерін қызықтыратын әскери тақырып бойынша сұрақтар қойды.

— “Бұл шара өскелең ұрпақтың бойында патриоттық рухты арттыруға бағытталған. Ерлік сабақтары балаларға батырларымыздың ерліктерін есте сақтауға көмектеседі, сондай-ақ жастар арасында әскери қызметті насихаттауға көмектеседі”, - дейді тәрбие және идеологиялық жұмыс бөлімінің аға офицері капитан Әділет Бейсеубаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.