Ақтауда үстіне диван құлаған ер адам қайтыс болды

Ақтауда үстіне алтыншы қабаттан диван құлаған ер адам сегіз айдан кейін қайтыс болды. Бұл туралы марқұмның ағасы айтты, - деп хабарлайды mangystaumedia.kz сайты tengrinews.kz сілтеме жасап.

Марқұмның ағасының сөзінше, ер адам 26 тамызда қайтыс болған.

"Бізге Германия мен Ресейден мамандар шақыруымызға тура келді. Себебі Қазақстандағы бірде-бір дәрігер оны қабылдамады", - дейді 39 жастағы марқұмның ағасы.

Оқиғаға байланысты құқық қорғау органдары қылмыстық іс қозғап, тергеу жүргізді. Мамырда диванды лақтырған адам кім екені ақыры анықталмаған.

Еске салайық, биыл қаңтарда 11-шағынаудан №41 үйден төменге жиһаз құлаған. Ер кісінің мойын омыртқасы сынған. Ер адам Маңғыстау облыстық ауруханасына жатқызылып, операциядан соң көктемде үйіне шығарылған болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.