Ақтауда шұрық-тесік жолдарды жөндеу қарқынды жүріп жатыр

Ақтаудағы автомобиль жолдарына 2500 м2 шұңқырлы жөндеу жұмыстары жүргізілді, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Мына мекен-жайлар бойынша шұрық-тесік жолдар жөнделген:
-№16 автомобиль жолы, 10 және 11 шағын аудан аралығы;
-24 және 26 шағын аудан аралығы;
-28а және 26 шағын аудан аралығы;
-21Б автомобиль жолы, қалалық прокуратурадан «Бекет ата» мешітіне дейінгі аумақ.

-Шұңқырлы жөндеу жұмыстары құрылыс нормаларына сәйкес, яғни шұңқырларды кесіп, асфальт төсеу арқылы жүргізілуде. Қазіргі таңда қаладағы автомобиль жолдарына 2500 м2 асфальт төселді. Бұл жұмыстар жыл соңына дейін жалғасады, - деді Ақтау қалалық жолаушылар көлігі және автомобиль жолдары бөлімінің басшысы Асхат Нұрмұхан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.