Ақтауда сарбаздар робот-көлік жасап шығарды

«Батыс» өңірлік қолбасшылығына қарасты Теңіз жаяу әскері бригадасының мерзімді әскери қызметшілері робототехника бойынша шеберліктерін шыңдап жатыр. Олардың шығармашылық жұмыстарының бірі - импровизацияланған құралдардан жауынгерлік машина жасау болды, деп хабарлайды mangystaumedia.kz ҚР Қорғаныс министрлігіне сілтеме жасап.

Қолдан жасалған бұл дизайнның құрастырушылары - 10 ай бұрын Түркістан облысынан шақырылған 2-шабуылдау батальонының жүргізуші механиктері - қатардағы жауынгерлер Баттал Османов пен Юсуф Парманқұл.

Қатардағы жауынгер Юсуф Парманқұл бұрыннан электротехника мен автокөлікке қызығушылық танытқан, мектепте робототехниканы оқыған. Колледжде инженер-электрик мамандығы бойынша оқып жүргенде робототехника бойынша «TURKESTAN World Skills» халықаралық байқауына қатысады.

Қатардағы жауынгер Баттал Османов бала кезінен әкесінің нұсқауымен құрастыру жұмыстарына араласқан.

Енді олар бірге адамдардың күнделікті өмірін жеңілдетуге көмектесетін құрылғыларды жасап жүр.

– Взводтағы тапсырмамызды жақсы орындағаннан кейін досым екеуміз батальон командирінен қашықтан өзін-өзі басқаратын жауынгерлік машина жасау туралы тапсырма алдық. Диаграмманы сызып, импровизацияланған материалдарды қолданатын машина жасай бастадық. Барлығы екі аптаға жуық уақытты алды. Көлікке батальон жауынгерлері «Барыс» деген ат берді. «Бронды машинаның» салмағы шамамен он килограмм және басқару пульті бар 7,62 мм PKT пулеметімен жабдықталған. Пулемет 360 градусқа айналады, максималды жылдамдығы сағатына 10-15 шақырым. Болашақта оны жетілдіруді, мүмкін гранатомет орнатуды, шассиді нығайтып, жылдамдығын арттыруды ойлап отырмыз, - деді Баттал Османов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.