Ақтауда полиция департаменті 1 жасар бүлдіршінді марапаттады

5 желтоқсан күні Маңғыстау облысы полиция департаменті бастығының бірінші орынбасары Болатбек Ақшауов қоғамдық іс-шараларға белсене араласып, тәртіп сақшыларымен бірлесе бейнероликтер түсіруге үлес қосқан бірқатар маңғыстаулық жасты марапаттады, - деп хабарлайды mangystaumedia.kz сайты ПД баспасөз қызметіне сілтеме жасап.

Полиция департаментінің құрметіне ие болған 10 баланың ішінде Медина есімді 1 жастағы кішкентай сақшы да болды. Мединаның ата-анасы - полиция қызметкері болып қызмет етеді. Сондықтан кішкентай бүлдіршін де жол сақшысы болып, бейнеролик түсіруге атсалысты. Сонымен қатар бейнероликте Ақтау қаласындағы №8, 23 және 29 жалпы білім беретін орта мектептің 4-8-сынып оқушылары болды.

Марапаттау рәсімі аяқталғаннан кейін оқушыларға полиция департаментінің музейі мен жедел басқару орталығы таныстырылды. Балалар полицияның тарихына үңіліп, бейнебақылау жүйесімен қаланы бақылау мүмкіндігіне ие болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.