Маңғыстау полицейлері жезөкшелікпен айналысқан 8 ер адамды ұстады

Маңғыстауда арнайы рейд кезінде жезөкшелікке қатысы бар 66 адам ұсталды, деп хабарлайды mangystaumedia.kz облыстық ПД-не сілтеме жасап.

Желтоқсан айының 1-3 күндері аралығында өткізілген "Стоп трафик" ЖПІШ барысында Маңғыстау облысы ПД ұйымдасқан қылмысқа қарсы күрес басқармасының қызметкерлерімен интимдік қызмет көрсетумен айналысқан 58 азаматша мен 8 ер адам (жезөкшелер, транссексуалдар және боди-массажистері) анықталып отыр. Олардың барлығы ҚР ӘҚБтК-тің 449, 492-баптары бойынша жауапкершілікке тартылды.

Жезөкшелікпен айналысу мақсатында тұрғын жайды жалға бергені үшін 4 азаматқа қатысты (тұрғын жайдың меншік иелері) ҚР ӘҚБтК-тің 450-бабымен хаттамалар жасақталып отыр.

Маңғыстау облысы полиция департаменті тұрғын үй-жайларды жалға берумен айналысатын жеке кәсіпкерлерге және риэлторлық қызмет көрсететін ұйымдарға ескертеді: жезөкшелікпен немесе жеңгетайлықпен айналысуға арналған үй-жайларды ұсыну ҚР ӘҚБтК-тің 450-бабында көрсетілген әкімшілік құқық бұзушылық болып табылады және 300 мың теңгеден астам айыппұл көзделген.

Мұндай мақсаттағы жұмыстар полиция қызметкерлерімен тұрақты түрде жүргізілетін болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.