9 шілдеде Өзбекстан Республикасы Президентінің кезектен тыс сайлауы өтеді. Өзбекстан Республикасының заңнамасына сәйкес шет мемлекеттерде сайлау учаскелері құрылды. Азаматтарға барынша қолайлылық жасау мақсатында Өзбекстан Республикасының Ақтау қаласындағы Бас консулдығы ҚР өңірлеріне шыға отырып, төменде көрсетілген орындарда мерзімінен бұрын дауыс беру шарасын ұйымдастырады, - деп хабарлайды mangystaumedia.kz сайты.
9 шілдеде 30-шағынаудан, 83/1 саяжай Бас консулдық ғимаратында Ақтау қаласындағы №14 сайлау округінің №23 стационарлық сайлау учаскесі ұйымдастырылады.
- 28 маусым Атырау облысында сағат 09:00-ден 18:00-ге дейін Атырау қаласы, Құлманов көшесі, 129 мекенжайындағы Атырау облысы Қазақстан халқы Ассамблеясының ғимаратында;
- 30 маусым Батыс Қазақстан облысында сағат 09:00-ден 18:00-ге дейін Орал қаласы, Астана қаласы 10 шағынауданы мекенжайындағы Батыс Қазақстан облысы Қазақстан халқы Ассамблеясының ғимаратында;
- 2 шілде Ақтөбе облысы бойынша сағат 09:00-ден 18:00-ге дейін, Ақтөбе қаласы, Сәңкібай батыр даңғылы 20А мекенжайындағы Ақтөбе облысы Қазақстан халқы Ассамблеясының ғимаратында.
Консулдықтың мәлімдеуінше, дауыс беру кезінде өзіңізбен бірге Өзбекстан Республикасы азаматының төлқұжаты болуы міндетті. Сонымен қатар Өзбекстан Республикасының Ақтау қаласындағы Бас консулдығынан консулдық және құқықтық мәселелер бойынша кеңес ала аласыз.