Ақтауда оқушыға тиіспек болды деп күдікке ілінген мектеп күзетшісі қамалды

Полиция Ақтаудағы мектеп ауласында ойнап жүрген оқушыға қол жүгіртті деп күдікке ілінген білім ордасының күзетшісін екі айға қамауға алды, деп хабарлайды mangystaumedia.kz.

Оқиға 12 мамыр күні 11 шағынаудандағы №10 мектепте болған. Күзетші мектеп ауласында ойнап жүрген 10 жастағы қызды шақырып алып, ғимарат ішіне кіргізген. Алайда оқушы сытылып шығып кеткен. Бұл туралы дабыл қаққан ата-аналардың аудиожазбасы әлеуметтік желіге таратқан.

Полиция осы оқиға бойынша қылмыстық іс қозғалғанын хабарлады. Алайда тергеудің қандай бап бойынша қаралып жатқанын беймәлім.

- Аталған дерек бойынша қылмыстық іс қозғалды. Күдікті соттың санкциясы бойынша 2 айға тергеу изоляторына қамалды. Тергеу мүддесіне байланысты өзге ақпарат жарияланбайды, - деп жауап берді МО полиция департаментінің баспасөз қызметі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.