Ақтауда автокөлік жолдарын орташа жөндеу және жол жиектерін жаңарту жұмыстары жүріп жатыр

Ақтауда 31А шағынаудан «Кеден» ғимаратынан бастап «Бәйтерек» сауда орталығына дейінгі автокөлік жолында орташа жөндеу жұмыстары жүріп жатыр, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Ақтау қалалық жолаушылар көлігі және автомобиль жолдары бөлімінің басшысы Асхат Нұрмұханның айтуынша, №22 автокөлік жолында гранитті жиектастар орнатылып жатыр.

-№22 автокөлік жолын орташа жөндеу жұмыстарының сметалық құжаттамасында ұзындығы 2100 метрді құрайтын жаңа асфальт төсеу және жол жиектерін жаңарту қарастырылған. 31А шағынаудан «Кеден» ғимаратынан бастап «Бәйтерек» сауда орталығына дейінгі №22 автомобиль жолында гранитті жиектастар орнатылады. Жолды жөндеу жұмыстары барысында алынып тасталған пайдалануға жарамды бетонды жиектастар мердігер мекеменің өндірістік базасында сақталады. Алдағы уақытта қаладағы автокөлік жолдарының қажетті аумақтарына қолданылады, - деді Асхат Нұрмұхан.

Орташа жөндеу жұмыстары мына автокөлік жолдарында жүргізіледі:

-№22 автокөлік жолы, 31а шағынаудан «Кеден» ғимаратынан бастап 27 шағынаудан «Бәйтерек» сауда орталығына дейін, ұзындығы 2100 м.

-№12 автокөлік жолы, 5а шағынаудан «Жалау Мыңбайұлы» ескерткішінен бастап 23 шағынаудан «Каспий жылу, су арнасы» мекемесіне дейін, ұзындығы 2288 м.

-№31 автокөлік жолы, 31А және 31Б шағынаудан арасындағы автокөлік жолы, ұзындығы 457 м.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.