Ақтауда 60 автобус айыптұраққа жабылды

Маңғыстауда алты күндік «Автобус» жедел-алдын алу іс-шарасының аясында автобус жүргізушілерінің 830-ға жуық жол қозғалысы ережелерін бұзғаны анықталды - деп хабарлайды mangystaumedia.kz.

Облыстық полиция департаментінің баспасөз қызметінің хабарлауынша, қала аумағында автобустардың техникалық жай-күйін тексеру, автобустардың автопарктерден, автовокзалдардан шығуы кезінде рейс алдындағы техникалық және медициналық тексерістен өтуі бойынша рейдтік іс-шаралар жүргізілген.

Нәтижесінде, заңсыз автовокзалдар, автотасымалдаушылар, сондай-ақ облысаралық жолаушылар тасымалдайтын таксилер анықталған.

«Іс-шара қорытындысы бойынша 16 заңсыз такси жүргізушісі ұсталды. Коммуналдық тұраққа 60 көлік қойылды, автобус парктерінің 18 лауазымды тұлғасы жауапкершілікке тартылды, 1000-ға жуық қоғамдық автобус тексерілді», - деп жазылған хабарламада.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.