Ақтауда 29-шағынауданның ішкі жолдарына асфальт төсеу жұмыстары жүргізілуде, деп хабарлайды mangystaumedia.kz қала әкімдігінің баспасөз қызметіне сілтеме жасап.
Бұл жұмыстарға 3 техника мен 15 жұмысшы жұмылдырылды.
- Биыл қаладағы шағынауданның ішкі жолдарына 48 мың шаршы метр асфальт төсеу жоспарланды. Қазіргі таңда 29-шағынауданның ішкі жолдарына шұңқырлы жөндеу жұмыстары жүргізілуде. Тізімге сәйкес, жөндеуді қажет ететін басқа да шағынаудандардың ішкі жолдарына асфальт төсеу жұмыстары жүргізіледі. Ақтау қалалық тұрғын-үй коммуналдық шаруашылығы бөлімі тұрғындардан келтірілген қолайсыздықтарға түсіністікпен қарауды сұрайды, - деді Ақтау қалалық тұрғын-үй коммуналдық шаруашылығы бөлімінің бас маманы Ғазиз Сағынғалиев.
Айта кетейік, қаладағы шағынаудандардың ішкі жолдарына шұңқырлы жөндеу жұмыстары сәуір айында басталған болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
