Ақтауда «Абай оқулары» байқауы өтеді

Ақтау қалалық ішкі саясат және тілдерді дамыту бөлімінің мемлекеттік әлеуметтік тапсырысы аясында «Саламатты ел» қоғамдық қорының ұйымдастыруымен қала жастары мен мектеп оқушылары арасында «Абай оқулары» байқауы өткізіледі. Байқауға қала тұрғындары арасынан 10-25 жас аралығындағы қатысушылар қатыса алады, деп хабарлайды mangystaumedia.kz қала әкімдігінің баспасөз қызметіне сілтеме жасап.

Байқауға тіркелу 07.08.2024 ж. дейін salamatty.el@mail.ru электронды поштасы арқылы немесе +7 706 665 42 08 байланыс телефоны арқылы жүргізіледі.

Байқау 2 кезең бойынша өткізіледі:
1. «Өлең сөздің патшасы, сөз сарасы» кезеңі ұлы ақынның өлеңдерін жатқа, мәнерлеп айту;
2. ⁠ «Абайдың қара сөздері» номинациясы бойынша Абайдың қара сөздерін жатқа, мәнерлеп оқу. Бұл номинация бойынша Абайдың қарасөздерін толық білуі бойынша бағаланады.

Байқау шарттары:
1. Өтінімдер 07.08.24 ж. дейін қабылданады;
2. Шығарманы оқу уақыты 5 минуттан аспау керек;
3. Үміткер мәтінді жатқа оқуы шарт;

Байқауға қатысушыларды бағалау төмендегі талаптар бойынша жүргізіледі:
1. Көркем мәтінді, өлеңді оқу шеберлігі;
2. Дұрыс дыбыстауы;
3. Шығарма саны;
4. Сахналық образ және оқу шеберлігі.

Толық ақпаратты көрсетілген байланыс нөмірі арқылы біле аласыздар. Қатысып бағыңызды сынап көріңіз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.