Ақтау жатақханасында су тасқынынан зардап шеккендерге 500 орын дайындалды

Маңғыстау облысы көрші өңірлердегі су тасқынынан зардап шеккендерге қолдан келгенше көмек қолын созып жатыр. Ақтау технологиялық сервис колледжінің жатақханасынан 500 жатын орны дайындалды, деп хабарлайды Mangystaumedia.kz.

- Біз 2 адамдық 240 бөлмеге 500 жатын орнын дайындап қойдық. Жатақханада барлық жағдай қарастырылған: жуынатын бөлме, таза төсек. Сонымен қатар қалалық кәсіпкерлік бөлімімен тамақ мәселесін де келісіп қойдық. Ыстық тамақтар сағат 12: 40-та әкелінеді. Ауыз су да уақытылы жеткізіледі. Қазір жатақханамызға алғашқы 18 адамды қабылдадық. Оның 8-і бала " - деді Ақтау технологиялық сервис колледжінің директоры Қадірбек Абдуллаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.