Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
2024 жылғы 15 сәуірден бастап Көлік министрлігінің тапсырмасы бойынша Ақтау халықаралық әуежайында "Best Airport Service" пилоттық жобасы іске қосылды, деп хабарлайды mangystaumedia.kz.
"Best Airport Service" пилоттық жобасын іске асыру аясында 26 сәуір мен 10 мамыр аралығында жолаушылар арасында сауалнама жүргізудің бірінші кезеңі өтеді. Жалпы, бір жыл ішінде сауалнама үш рет жүргізіледі: сәуір, тамыз және қараша айларында.
Сауалнама жүргізудегі негізгі мақсат – жолаушылардың көрсетілетін қызметтердің сапасы мен қызмет көрсету мәдениеті туралы пікірін білу. Жоба Ақтау қаласының әуежайында жұмыс істейтін шекаралық бақылау, кеден қызметі, полицияның желілік бөлімі, әуежай және әуе компанияның өкілдері қатысатын кешенді тәсілді көздейді.
Ақтау халықаралық әуежайынан ұшып шығушы және ұшып келуші әрбір жолаушыға сауалнамадан өту мүмкіндігі беріледі. Әуежайда қазақ, орыс және ағылшын тілдерінде сауалнаманы өтуге мүмкіндік беретін QR коды бар арнайы плакаттар орнатылды.
Сауалнамалардың нәтижелері бойынша Қазақстанның авиациялық әкімшілігі Ақтау халықаралық әуежайымен бірлесіп, белгілі бір осал тұстарды анықтауға мүмкіндік беретін тиісті талдау жүргізеді.
Қазақстанның авиациялық билігі Ақтау қаласының әуежайындағы жолаушылардан сауалнамаға белсенді қатысуын сұрайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.