Бүгін экономикалық саясат, инновациялық даму және кәсіпкерлік комитеті депутаттары Ақтау теңіз және Құрық теңіз порттарының жұмыс барысымен танысты.
Сенаторлар Ақтау және Құрық порттарына сапар кезінде Қазақстанның теңіз инфрақұрылымындағы ауқымды жобалардың жүзеге асырылуымен танысты. Теңіз порттары Азия мен Еуропа арасындағы контейнерлік тасымал нарығында маңызды рөл атқарады.
Сапар аясында Ақтау портында «Қазақстан Республикасының транзиттік әлеуетін дамытудағы Ақтау және Құрық теңіз порттарының рөлі» тақырыбына арналған отырыс өтті. Шараға облыс әкімі Серікбай Трұмов, мүдделі мемлекеттік органдардың, теңіз порттары мен терминалдардың өкілдері, сондай-ақ жүк жөнелтуші компаниялардың өкілдері қатысты. Жиында Ақтау және Құрық порттарының ел транзиттік әлеуетін дамытудағы рөлі жан жақты талқыланып, алдағы жоспарлар мен міндеттері көтерілді.
Суретті түсірген Сәби Майемеров
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
