Бұл туралы Ақтау қалалық әкімдігінде өткен брифингте қала әкімінің орынбасары Серік Гусман айтты, - деп хабарлайды mangystaumedia.kz сайты.
Брифинг барысында қалалық жолаушылар көлігі және автомобиль жолдары бөлімінің басшысы Жетібай Құбашев су жаңа автобустар 2020 жылдың екінші жартыжылдығында қалада болады деп жоспарланғанын мәлімдеді.
Бүгінде Ақтау қаласы бойынша жалпы 74 автобус жолаушы тасымалдайды. «Daewoo», «Hyundai», «Паз» автобустары сынды ескірген көліктердің 70%- ауыстыруды қажет етеді. Осыған орай облыс, қала әкімдігі мен «Каспий» ӘКК «ҰҚ» АҚ бірлесіп, тасымалдаушы мекемелерге «БРК Лизинг» бағдарламасы арқылы жеңілдетілген Евро-5 стандартына сай жаңа автобустар сатып алу үшін жұмыстар жүргізілген.
Жетібай Болышұлының мәлімдеуінше, одан өзге өңірге су жаңа 50 автобус алынады. Соның 30-ы Ақтау қаласындағы жолаушы тасымалы үшін беріледі деп жоспарланған.
Қалада жол жүру ақысы субсидия төлеу мәселесі шешілгеннен кейін 70 теңгеге көтерілетін болады. Баға өсуімен қатар, барлық қоғамдық көліктерге жол ақысын электронды төлеу жүйесі енгізілмек.
Махаббат НҰРЖАНҚЫЗЫ
Суретті түсірген Талант ҚҰСАЙЫН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
