Заңсыз ауланған 40 келіден астам бекіре тәркіленді

Маңғыстау облысындағы патрульдік полиция қызметкерлері Форт-Шевченко-Ақтау тас жолының 93/39 шақырымында «Лада 21713 138» маркалы автокөлігін тоқтатып, тексеру кезінде салмағы 33 келі 850 грамм 9 дана бекіре тұқымдас балық тәркіленді, деп хабарлайды mangystaumedia.kz аймақтық полиция департаментіне сілтеме бере отырып.

Одан өзге, 102 кезекші диспетчеріне Ақтау қаласындағы 26-шағын аудандағы үйлердің бірінде заңсыз бекіре сақталғаны туралы ақпарат түскен. Оқиға орнына жеткен жедел-тергеу тобы жергілікті тұрғыннан салмағы 11 келі 3 балық тәркілеген.

Екі факті де Қазақстан Республикасы Қылмыстық кодексінің 339-бабы (сирек кездесетін және құрып кету қаупі төнген түрлермен, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз айналысу) бойынша тіркелді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.