Қала күніне арналған Ақтаудағы мәдени шаралар

© Талант ҚҰСАЙЫН

Ақтау қалалық мәдениет, дене шынықтыру және спорт бөлімі 13-23 қыркүйек аралығында өтетін мерекелік бағдарламалар тізімін ұсынды, деп хабарлайды mangystaumedia.kz

Ақтау қаласы әкімінің кубогы үшін шағын-футболдан ардагер командалар арасында халықаралық ашық турнир 13 қыркүйекте салтанатты түрде ашылған болатын. Турнир 17 шағын аудандағы «Халық арена» спорт кешенінде 17 қыркүйекке дейін болады.

«Сүйікті қалам- Ақтау» атты балалар ұжымдары мен «Ақмаржан қала - Ақтау» деп аталатын Абай атындағы мәдени-демалыс кешені қызметкерлерінің мерекелік концерті 17 қыркүйек күні, сағат 16.00 де Амфитеатр алаңында өтпек.

Ұлттық-әскери патриоттық орталығының концерті 18 қыркүйек, сағат 17.00 де Амфитеатр алаңында өтеді. Осы бағдарлама 20 қыркүйек күні Абай атындағы мәдени демалыс кешенінде сағат 20.00 де болады.

Ақтау қаласының құрметті азаматтарымен кездесу кеші 21 қыркүйек күні Абай атындағы мәдени демалыс кешеніндегі «Абай» студиясында, сағат 14.00 де болады деп жоспарланған.
Қала күніне орай суретшілер байқауы да ұйымдастырылмақ. Байқау 11 шағын аудандағы Арт-Әлем галереясында, 23 қыркүйек күні, сағат 14.00 де басталады.

Ақтау қаласындағы орталық кітапханада да бірнеше шара жоспарланған. Бүгін «Ақтауым-асыл қалам» кітап көрмесі өтуде. 19 қыркүйек күні «Тарихи жәдігерлер» атты мұражайға мәдени серуен ұйымдастырылмақ. Кітапханада өтетін соңғы шара – «Ақ мәрмәр Ақтауым» атты сурет көрмесі 21 қыркүйекте болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.