«Өнегелі келін» байқауы маңғыстаулықтарды қатысуға шақырады

Қазақ әйелдерінің қоғамдағы рөлін арттыру, қазақы дәстүрді насихаттау мақсатында республикалық «Өнегелі келін» байқауы өткізілмекші. Оған келіндік өмірде 10 жылдай тәжірибесі бар, жас келіндерге айтары, үйретері бар келіндер қатыса алады, дейді mangystaumedia.kz сайты Qazaq газетіне сілтеме жасай отырып.

Байқау екі кезеңнен тұрады. Әр өңір сәлем салу, орамал тарту, ат тергеу дәстүрі, ұлттық тағамдарды әзірлеуі мен шай құю үрдісін көрсетуі қажет. Сондай-ақ, бала күтімі мен кесте тігу, ән салу, би билеу секілді өнерлерін де көрсете алады.

Қойылған шарттарды орындай отырып түсірілген бейнероликтерін және өзі туралы толық ақпаратты onegeli-kelin@mail.ru поштасына немесе +7 777 681 4391 байланыс нөміріне жіберуі тиіс.

Іріктеу кезеңі хабарландыру шыққан күннен бастап, 20 қыркүйекке дейін жалғасады.
Ақтық кезең офлайн түрде Алматы қаласында өтеді. Ұйымдастырушылар жүлде қоры қаржылай және қомақты екенін айтуда. Қатысамын деушілер толық ақпарат үшін
+7 777 681 43 91 нөміріне хабарласа алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.