Мұнайшы болып жұмысқа тұру 6 миллион теңге: маңғыстаулық тұрғындар алаяқтардың арбауына түсіп қалды

Ақтау қаласының тұрғыны «мұнай саласына жұмысқа орналастырып беремін» деген негізбен алаяққа алданған, деп хабарлайды mangystaumedia.kz облыстың ПД-не сілтеме жасап.

Алаяқтық іс-әрекетке барған ер адам жәбірленушіге 6 миллион теңге көлемінде шығын келтірген.

Дәл осындай негіздегі арызбен жаңаөзендік тұрғын да шағымданды. Алаяқ тұрғынның 1 миллион 150 мың теңге көлемдегі қаражатын жымқырған.

Жедел-іздестіру шаралары нәтижесінде 45 жастағы Жаңаөзен қаласының тұрғыны мен 27 жастағы күдікті әйел адам анықталып, ұсталды.

Аталған фактілер бойынша ҚР ҚК-нің 190-бабы 1-бөлігімен (алаяқтық) сотқа дейінгі тергеп-тексеру басталды. Өзге мәліметтер тергеу мүддесі үшін жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.