Маңғыстауда жастарға арналған сайт жанданып жатыр

Еліміздің медиа кеңістігін мазмұны бай, қазақ тілді сапалы контентпен толтыру бағытында мұрат-міндеті бағамдалған байыпты жобалар жүзеге асып жатыр. Соның бірі - «Қолдау» орталығы» жеке меншік мекемесінің Маңғыстау облысының жастар саясаты мәселелері жөніндегі басқармасының тапсырысы негізінде әрі «Азаматтық бастамаларды қолдау» орталығының қолдауымен жүзеге асып жатқан «Маңғыстау жастары» жастар интернет телеарнасының қызметін ұйымдастыру және www.mangystauzhastary.kz интернет порталын ақпараттық сүйемелдеу» атты әлеуметтік жобасы, деп хабарлайды mangystaumedia.kz.

Жобаның қазіргі жай-күйі жөнінде сайт қызметінің жетекшісі әрі ақпараттық порталдың үйлестіруші Еділбек Дүйсенмен сұхбат құрдық.

- «Маңғыстау жастары» сайтының мазмұндық құрылымы қай бағытта өзгермек?

-Ең алдымен «Маңғыстау жастары» сайтында интерактивті пайдалана отырып, өңірде жастар саясатын іске асыруда атқарылатын іс-шараларды интернет басылымдарда жариялау және сайт қолданушылар санын арттыруды қамтамасыз ету бойынша жүйелі жұмыс ұйымдастырып жатырмыз. Сондай-ақ жастар ұйымдарының, бастамашыл топтар мен жастардың қызметін барлық интернет-ресурстарда, соның ішінде әлеуметтік желілерде, бейнехостинг сайттарында көрсетуді қолға алдық. Бұған қоса блогерлер пулын қалыптастыру және олардың Маңғыстау облысы жастарының өмірін кеңінен жариялау бойынша жұмыстарын ұйымдастырамыз.

- Басты мақсат қандай?

-«Қолдау» орталығы» жеке меншік мекемесі аталған интернет платформа арқылы қазақша контентті көбейту және сапасын арттыру, Маңғыстау жастарының оң имиджін қалыптастыру және әр саланың үздік жастарын қоғам алдына шығарып, насихаттауды сапалы түрде жүзеге асыру

-Жастардың белсенділігін айқындау үшін қандай ақпарат беріледі?

- Біздің сайтта Маңғыстау облысының түкпір-түкпіріндегі жастардың тыныс-тіршілігінен мәліметтер беріліп отырады. Мемлекет тарапынан жастар саясатын жүзеге асыру бағытында жасалып жатқан жұмыстар жайында ақпарат беріледі. Маңғыстау жастарының бет-бейнесіне айналған жас қоғам белсенділерімен бірлесе отырып, олардың қатарын толықтыруға ықпал ету бағытындағы жұмыстарды үйлестіреміз. Аталған жұмыстарды жүйелі жүргізу арқылы сайттың тұрақты оқырмандарын қалыптастыру және сайттың көрілім (қаралым) санын арттыру жоспарланып отыр

-Өзге қандай идеялар бар?

- Күнделікті негізде бос жұмыс орындары салынып, жастарға арналған форумдар мен конкурстар, әртүрлі қызықты және пайдалы танымдық материалдар үздіксіз жарияланып отырады.. Жоғарыда аталып өткен бос жұмыс орындары және өзге де күнделікті (жастардың жұмыссыздығын жоюға ықпал ету мақсатындағы ақпараттық қолдаудан) ақпараттардан бөлек, сайт Маңғыстау облысы көлеміндегі барлық деңгейдегі жастар ресурстық орталықтарымен және үкіметтік емес ұйымдармен ақпараттық байланыс орнатуды көздейді. Сол арқылы жастар ресурстық орталықтарында өткізіліп жатқан әртүрлі шаралар мен бастамаларды жариялап отырады және жастарды азаматтық қоғамға тарту жұмыстарын жүргізеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.