Бұл туралы құрылысшылар "Amanat" партиясының Маңғыстау облыстық филиалында мәжіліс депутаты Самат Мусабаевпен өткен кездесуде айтты, - деп хабарлайды mangystaumedia.kz сайты.
Жиында өңірдегі құрылысшылар мен жобалаушы ұйым өкілдерімен, мемлекеттік және жеке сараптама қызметін көрсететін тұлғалар қатысты. Олар құрылыс саласының мамандары жобалық, сметалық құжаттың дұрыс жасалмайтыны туралы айтты. Әр тарап өздерінің уәжін айтып, құрылыс саласындағы кемшің тұстарды талқыға салды.
Сондай-ақ аталған сала басшылары мен мамандары құрылыс материалдарының қымбаттап отырғанын айтты. Осы қымбашылықтың салдарынан құрылыс тоқтап қалады. Құрылысты жалғастыру үшін бюджеттен қосымша қаржы бөлінсе деген ұсыныстар айтылды. Ал жергілікті биліктің бұл мәселені қарауға асықпауы құрылысшылардың жұмысына кері әсерін тигізуде.
Мәжіліс депутаты Самат Мусабаев мәселелерді тыңдап, алдағы уақытта облысқа сала министрін, құрылыс істері комитетінен мамандары мен басқа да жауапты тұлғаларды алып келіп, көшпелі мәжіліс жасауға ниетті екенін мәлімдеді.
Сонымен қатар қыркүйек айында Мәжіліске осы салаға арналған заң жобасы келіп түсетінін айтып, проблемаларды назарға алатынын жеткізді.