© Суретті түсірген Талант ҚҰСАЙЫН
Павлодар облысындағы балалар үйінің 35 тәрбиеленушісі Ақтау қаласына саяхаттап келді, деп хабарлайды mangystaumedia.kz Павлодар облыстық білім басқармасының баспасөз қызметіне сілтеме жасап.
Көңілді саяхатты «ЖАСА Одағы» қоғамдық қоры «Jasa Kids» әлеуметтік жобасы аясында ұйымдастырды.
Жобаның негізгі мақсаты - жетім және ата-анасының қамқорлығынсыз қалған балаларды туған жер тарихымен таныстырып, өлке мәдениеті мен дәстүріне баулу.
Танымдық сапарға оқу үлгерімі жақсы, спорт пен шығармашылықта бірқатар жетістіктерге ие, өзге де салаларда үздік 12 мен 18 жас аралығындағы балалар жолданды.
Тоғыз күндік экскурсиялық сапар барысында балалар шахмат, баскетбол, стречинг спорты бойынша шеберлік сабақтарына қатысады. Сондай-ақ балалар жүзу дағдыларына үйреніп, бассейн мен теңізде жүзіп, қаланың көрікті жерлерімен танысады.