Президент Азияның үздік шахматшысы атанған Бибісара Асаубаеваны құттықтады

18 жастағы Бибісара Асаубаева 2021 жылғы Азияның үздік шахматшысы марапатына ие болды, деп хабарлайды mangystaumedia.kz.

Бұл туралы спортшы Үндістанда өткен марапаттау рәсімінен кейін айтты.

«Кеше ФИДЕ марапаттау рәсімі өтті 15-әлем чемпионы Вишванатан Ананд маған «Әйелдер арасындағы Азияның үздік шахматшысы 2021» марапатын табыстады. ФИДЕ менің жұмысымды жоғары бағалағаны үшін рахмет!", - деп жазды Бибісара Асаубаева instagram парақшасында.

Қазақстан шахматшыларын қолдаған Қасым-Жомарт Тоқаев Бибісараны құттықтап, оған жаңа спорттық жетістік тіледі.

Еске сала кетейік, Бибісара Асаубаева – әйелдер арасындағы гроссмейстер, ерлер арасындағы халықаралық шебер, 2021 жылғы блиц бойынша әлем чемпионы – шахмат тарихындағы ең жас шахматшы. Рапид бойынша әлем чемпионатының күміс жүлдегері және 2021 жылғы Азия чемпионы.
Қазір біздің отандасымыз Үндістандағы Дүниежүзілік шахмат олимпиадасында Қазақстанның намысын қорғап жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.