Ақтау-Қызылтөбе: Тұрғындар автобус санын көбейтуді сұрап отыр

Қызылтөбе ауылының тұрғындары облыс орталығына қатынайтын 103-маршрутты көбейтуді сұрайды. Бұл туралы олар облыс әкімінің телеграм-каналында жазды, - деп хабарлайды mangystaumedia.kz сайты ҚКО сілтеме жасап.

Тұрғындар сауалына жолаушылар көлігі және автомобиль жолдары басқармасының өкілдері жауап берді.

- Басқарма тарапынан аталған маршруттың тасымалдаушысы «АдайТрансКом» ЖШС-нің қызмет көрсетуіне ешқандай кедергі жоқ. Заң талабына сәйкес тасымалдаушы негізгі және қосалқы құрамдағы автобустарды көбейту қажет. Тасымалдаушы мекемеге тұрғындардың өтінішін жеткіздік, - дейді жауаптылар.

Басқарма мамандары 8 маусым күні тасымалдаушыларға мониторинг жүргізу кезінде №103 бағыттағы автобустардың бірі жолаушыларды заңсыз тасымалдаумен айналысып жүргендігін анықтаған. Нәтижесінде 296 ACB мемлекеттік белгісімен «ПАЗ» автобусы айып тұрағына қамалып, әкімшілік айыппұл салынған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.