10 білім беру ұйымының басшысы кәсіпкерлікпен айналысып заң бұзған. Нәтижесінде ӘҚБтК-нің 154-бабы бойынша іс қозғалып, айыппұл төледі, деп хабарлайды mangystaumedia.kz департаменттің баспасөз қызметіне сілтеме жасап.
-Өңірдегі осындай құқық бұзушылықтардың алдын алу мақсатында Сыбайлас жемқорлыққа қарсы қызметтің Маңғыстау облыстық департаменті білім беру ұйымдарының басшыларына сыбайлас жемқорлыққа қарсы шектеулерді түсіндірді.
«Сыбайлас жемқорлыққа қарсы іс-қимыл туралы» Заңда мемлекеттік лауазымдағы және мемлекеттік қызметтерді орындауға уәкілеттік берілген адамдарға кәсіпкерлік қызметпен айналысуға тыйым салынған. Бүгінгі күні мектеп басшыларының арасында кәсіпкерлікпен айналысқандар анықталып отыр. Сондықтан, бүгінгі кездесудің мақсаты - сыбайлас жемқорлыққа қарсы шектеулерді қайта түсіндіру, - деді Маңғыстау облыстық Сыбайлас жемқорлыққа қарсы қызмет департаменті Превенция басқармасының басшысы Қайрат Байгебаев.
Бұдан бөлек, спикер мемлекеттік органдардың басшылары өздеріне қарасты мекеме басшыларын тағайындағанда, олардың активтері мен міндеттері туралы декларация қабылдауы шарт екенін айтып өтті. Олай болмаған жағдайда, мемлекеттік мекеме басшылары «Сыбайлас жемқорлыққа қарсы іс-қимыл туралы» Заңның 11-бабын бұзған болып есептеледі.
Жиынға Сыбайлас жемқорлыққа қарсы қызмет, Мемлекеттік кірістер, Мемлекеттік қызмет істері департаменттерінің өкілдері мен білім беру ұйымдарының басшылары қатысты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
