Ақтау гарнизоны әскери бөлімдерінің сарбаздары ҚР Қарулы Күштерінің құрылғанына 30 жылдығына орай жаппай жүгіру ұйымдастырды. Оған екі жүзге жуық сарбаз қатысты, деп хабарлайды mangystaumedia.kz сайты ҚКО сілтеме жасап.
Жүгіру таңғы сағат 10.00-де Каспий теңізінің жағалауында басталды. Мұнда әскери матростар мен теңіз жаяу әскерлері, ұшқыштар мен шекарашылар ту көтеріп, жауынгерлік рухпен ән айтып 5 шақырым жүгірді.
Жүгіруді бастамас бұрын Ақтау гарнизонының бастығы, гвардия подполковнигі Жаннұр Сатқынов акцияға қатысушыларға алғыс білдіріп, әскери қызметшілерді Отан қорғаушылар күнімен құттықтады.
Өз кезегінде қатардағы жауынгерлер де алған әсерлерімен бөлісті.
– Бригада командирі бізбен бір қатарда жүгірді, бұл теңіз жаяу әскерінің жауынгерлері ретінде бізге бұрынғыдан да мықты жауынгерлік рух береді. Мен де барша қазақстандықтарды келе жатқан мерекелерімен құттықтаймын, – деді қатардағы жауынгер Құдайберген Бүркітбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
