Ақтауда көпбалалы аналар марапатталды

Ақтау қаласының әкімі Нұрдәулет Қилыбай көпбалалы аналарға «Алтын алқа» және «Күміс алқа» алқаларын табыс етті, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Он ана «Алтын алқа» алса, 11 ана «Күміс алқа» төсбелгісімен марапатталды.

– Жас ұрпақ тәрбиесінде ананың орны ерекше. Осы сәтті пайдаланып, деніңізге саулық, отбасыңызға амандық тілеймін. Ел дамуына қосқан үлестеріңіз үшін алғыс айтамын, – деді Ақтау қаласының әкімі Нұрдәулет Қилыбай.

Айта кетейік, туу көрсеткіші бойынша көш бастап тұрған Маңғыстау облысында батыр аналар қатары жыл сайын артып келеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.