Жол апаты: 14 жастағы баланың жағдайы – орташа ауырлықта

© Сурет Подслушано Актау парақшасынан алынды

Бүгін 28 шағынауданда жол апаты болып, 14 жастағы тұрғын зардап шекті. Бұл туралы Маңғыстау облысы ПД баспасөз қызметі айтты, - деп хабарлайды mangystaumedia.kz сайты.

Сағат 10:57-де 102 кезекшісінің пультіне «Метрополис» сауда үйіне қарама-қарсы 28-29 шағынаудандар арасында жол-көлік оқиғасы болғаны туралы қоңырау түсті.

«Лада Приора көлігінің жүргізушісі жаяу жүргіншілер жолағында 14 жастағы баланы қағып кетті. Зардап шегуші Маңғыстау облыстық ауруханасына жеткізілді. Тергеу жүргізілуде», - деп түсіндірді Маңғыстау облыстық ПД баспасөз қызметі.

Денсаулық сақтау басқармасының баспасөз қызметінің айтуынша, зардап шегуші облыстық балалар ауруханасының травматология бөліміне жатқызылды. Оған бас ми шайқалуы диагнозы қойылды. Қазір жағдайы – орташа ауырлықта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.