Кен орындарындағы қауіп-қатерге дайынбыз ба? (ФОТО)

«Жетібай» кен орнында кешенді өрт-тактикалық оқу-жаттығуы өтті. Маңғыстау облысы төтенше жағдай департаменті өкілдері мұндай ауқымды жаттығу кен орнында алғаш рет өткізіліп отырғанын атап өтті, - деп хабарлайды mangystaumedia.kz cайты.

Шараға ҚР Төтенше жағдайлар вице-министрі Марат Кульдиков арнайы келіп қатысты.

Оқиға былай өрбиді: Жетібай кен орнындағы № 77 пайдалану ұңғымасының арматурасына зақым келіп, ұңғыма ашық атқылама режиміне өтеді. Жедел жеткен өрт сөндірушілер аумақты 20 минут ішінде қайта қалыпқа келтірді.

Оқу-жаттығу аяқталғаннан кейін барлық бөлімшелердің іс-қимылдары талқыланып, іс-шараның қорытындысы шығарылды. Өрт сөндіруге арналған құрылғыларды қалай пайдалану керектігі көрсетілді.

Марат Мұхаметқалиұлы өз сөзінде осындай жаттығулардың қызметкерлерге ықтимал қауіп-қатер кезінде пайдасы мол екенін атап өтті. Жаттығудың толық қорытындысы мен бағасын министрлік шығаратын болады.

Оқу-жаттығуға барлығы 146 адам, 48 техника жұмылдырылған.

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.