Маңғыстау ауданында жалғыз дәрігері бар медициналық пункт ашылды

Маңғыстау облысы Шетпе ауылында медициналық кешен ашылды. Әзірге бір ғана дәрігер бар. Тағы екі маман жақында Алматыдан келеді, - деп хабарлайды mangystaumedia.kz аудан әкімінің баспасөз қызметіне сілтеме жасап.

Қазір науқастарға дәрігер, сегіз медбике және кіші медицина қызметкері қызмет көрсетеді.

- Сәуір айында невропатологтар мен кардиологтар келеді деп күтілуде. Бірінің еңбек өтілі 36 жыл болса, екіншісі екі жылдан бері еңбек етіп келеді. Екі дәрігер де учаске бойынша жұмыс істейтін болады, - дейді медициналық орталықтың бас дәрігері Жанар Сайынова.

Орталыққа елді мекенде тұратын 3800 адам және Тұщыбек ауылының 360 тұрғыны тіркелген. Барлығына қажетті медициналық көмек көрсетіліп, кеңестер беріледі.

Медициналық пункттің ғимараты шағын болғандықтан әзірге 4 төсек-орын бар. Ал жұмыс екі ауысым бойынша жүргізіліп жатыр. Бірақ жергілікті тұрғындар бұған риза.

- Орталықта УДЗ аппараты, медициналық көмек көрсетуге қажеттінің бәрі бар. Мамыр айында сауықтыру үшін жабдықтар келеді, -дейді Жанар Сайынова.

Оның айтуынша, облыс орталығының дәрігерлері әр сенбі сайын ауылға арнайы келіп, медициналық көмек көрсетеді.

Бас дәрігер медициналық орталық Ақтаудағы сақтандыру мекемесімен келісімшарт аясында жұмыс істейтінін, сондықтан тұрғындарға тегін медициналық қызмет көрсететінін айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.