Ақтауда велоспорттан Қазақстан Республикасының қысқы чемпионаты өтеді

Жарысқа ерлер, әйелдер және паралимпиадашылар қатысады. Чемпионат Ақтауда 31 наурыз бен 3 сәуір аралығында өтеді, - деп хабарлайды mangystaumedia.kz сайты.

Маңғыстау облысында алғаш рет велоспорттан Қазақстан Республикасының қысқы чемпионаты өтеді. Жарысқа Қазақстанның 12 облысынан 150-ден астам спортшы қатысады.

Велоспорттан жарыс 31 наурыз бен 1 сәуір аралығында (2 күн) сағат 08:00-ден 16:00-ге дейін Ақтау – Риксос бағытында өтеді. Алдымен 31 наурызда командалық эстафета (18 шақырым – ерлер, 12 шақырым – әйелдер) болады.

Ал 1 сәуірде ерлер арасында 25 шақырымға, әйелдер арасында 20 шақырымға, паралимпиадашылар арасында 15 шақырымға жекелей жарыстар ұйымдастырылады. 2 сәуір күні сағат 08.00-ден 16.00-ге дейін Ақтау – Жетібай тас жолы – Mample бағытында ерлер, әйелдер арасында 120 шақырымға жүгіру, 70 шақырымға топтық жүгіру, 40 шақырымға әуесқой топ жүгіреді.

3 сәуір күні жарыс сағат 08.00-ден 15.00-ге дейін Ақбота саябағы тас жолының бойында өтеді. Онда әйелдің 30 шақырымға, ерлер 40 шақырымға дейін өнер көрсетеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.