Бозжыра шатқалына дейін жол салу жоспарланып жатыр

Бозжыра шатқалына 35 шақырым автожол салу жоспарлануда. Қазіргі таңда жобалық-сметалық құжаттаманы әзірлеуге 14,0 млн теңге бөлінді, - деп хабарлайды mangystaumedia.kz облыстық Қоғамдық коммуникаци орталығына сілтеме жасап.

Жобалық-сметалық құжаттаманың жалпы құны - 46 млн теңге. Егер мақұлданса, жақын арада жол құрылысы басталады.

Сонымен қатар, 2022 жылы Құрық, Жетібай, Мұнайшы және Сенек ауылдарында ұзындығы 7,5 шақырым болатын жол құрылысының жобалық-сметалық құжаттамасы әзірленетін болады.

«Құрық ауылындағы 7,6 шақырым жол құрылысының екінші кезеңін бастап жатырмыз. Бүгінгі таңда бұл жұмыстарға 436,7 млн ​​теңге қаражат бөлінді. Сонымен қатар, «Құрық-Жетібай» тас жолының 64 шақырымын қайта жаңғырту жұмыстары жүргізілуде», – деді Қарақия ауданының әкімі Қыдырберді Беков.

Сондай-ақ ол 2021 жылы ұзындығы 4,1 шақырым Жаңаөзен-Құланды тас жолына орташа жөндеу жұмыстары жүргізілгенін атап өтті. «Ауыл-ел бесігі» бағдарламасы бойынша Бостан ауылында 2,7 шақырым елді мекенішілік жолдың құрылысы, сондай-ақ Жетібай ауылында 5 шақырым жолдың құрылысы аяқталды. Мұнда да 12 шақырым елді мекенішілік жолды жөндеу жұмыстары аяқталды. Бұл жұмыстарға 311 миллион теңге бөлінді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.