Ақтаулық спортшы Нұр-Сұлтан қаласында өткен теннис турнирінің күміс жүлдегері атанды

Жарыс 28 ақпан мен 6 наурыз аралығында елордадағы «Дәулет» теннис орталығында өткен. Жүлде қоры - 25 мың АҚШ доллары.

1/2 финалда Бейбіт Жұқаев серб Хамад Меджедовичтен басым түскен. Кездесудің есебі 7:6 (7:2), 7:6 (7:3).

Ал финалда Бейбіт ресейлік Әлібек Качмазовпен кездесті. Тартысты бәсекеде ресейліктен 3:6, 7:6 (7:5), 6:7 (4:7) есебімен жеңіліп қалды. Сол турнирде жерлесіміз Тимур Хабибулинмен бірге титулдық белдесуде беларусь Иван Лутаревичпен және украиналық Владислав Манафовтан жеңіліп қалды. Кездесудің есебі 4:6, 0:6.

Осылайша, Ақтау теннис мектебінің тәрбиеленушісі ATP рейтингінде 597-орынға көтерілді.

Еске салайық, биыл ақпан айында Бейбіт Жұқаев спорттық мансабында алғаш рет ересектер арасындағы ел чемпионатында топ жарған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.