Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгіннен бастап Ақтауда жүк көліктерінің қозғалысына мониторинг басталды. Патрульдік полиция мамандары 1 сағаттың ішінде 5 көлікті тоқтатты, - деп хабарлайды mangystaumedia.kz сайты.
Ақтау қалалық полиция басқармасы әкімшілік полиция бөлімінің жол және техникалық инспекция бөлімшесінің бастығы, полиция-майор Дамир Исмайловтың айтуынша, қалаға кіретін 27-жолда 5 жүк көлігі тоқтатылды. Оның ішінде тиісті құжаты жоқ, техникалық ақауы бар 3 автокөлік иесіне хаттама толтыртып, әкімшілік жауапкершілікке тартылды.
"Рейдтің негізгі мақсаты - қала аумағындағы жүк көліктерінің жүру заңдылықтарын, техникалық жағдайын және тиісті құжаттары жоқ автокөліктерді тексеру. Сондай-ақ жол белгілері мен жаяу жүргінші жолақтары тексеріледі. Сол арқылы тұрғындардың жол қауіпсіздігін қамтамасыз етіледі. Рейд Маңғыстау облыстық көліктік бақылау инспекциясы және қалалық полиция бөлімшесі, депутаттармен бірге жүргізіліп жатыр", - дейді Ақтау қаласы әкімінің орынбасары Алпысбай Таубаев.
Оның айтуынша, жүк көліктеріне мониторинг жүргізу жыл бойы жалғасады.
Аталған шара Ақтау қаласы әкімінің орынбасары Алпысбай Таубаевтың төрағалығымен өтіп жатыр.
Жұлдызай ҚАЛИЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.