«Екпе ал да, пәтер ұтып ал»: Кезекті жеңімпаздар анықталды

Бүгін «Екпе ал да, пәтер ұтып ал» акциясының кезекті жеңімпаздарына сыйлық табысталды, - деп хабарлайды mangystaumedia.kz сайты.

Байқауда жұлдызы жанған 5 адамға қысқа толқынды пеш, тоңазытқыш, ұялы телефон, телевизор және Rixos Water World Aktau қонақ үйіне жолдама берілді.

«Конкурсты ұйымдастырушы хабарласқан уақыттағы сезімімді айтып жеткізе алмаймын. «Жеңімпаз болдыңыз» деген кезде сенерімді я сенбесімді білмедім. Міне, Rixos Water World Aktau қонақ үйіне жолдама берілді, енді отбасымызбен бірге осы аптада барамын. Ұйымдастырушыларға алғыс айтамын. Қала тұрғындарынан екпе алуларын сұраймын», - дейді конкурс жеңімпазы Индира Мырзагулова.

Еске сала кетейік, акция 22 маусым күні басталған. Науқан шарты бойынша, конкурсқа 22 маусымнан бастап вакцинаның алғашқы компонентін алған тұрғындар ғана қатыса алады. Әр жұма сайын жеңімпаздар анықталып, бағалы сыйлық табысталады.

Ұйымдастырушы Нұрлан Қуанышбайдың айтуынша, осы уақытқа дейін 15-ке жуық адам жеңімпаз атанды. 10 000-нан астам адам вакцина салдырған. Ал басты сыйлық Ақтау қаласынан екі бөлмелі пәтер ай соңында беріледі. Жеңімпаздар арнайы нөмері арқылы тікелей эфирде анықталады.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.