Әскери теңізшілер диверсиялық-барлау әрекеттерінің алдын алды

Ақтау гарнизонында кемелердің орналасу пункттерінің су диверсияға қарсы қорғаныс мәселелері бойынша үш кезеңді оқу-жаттығу өткізілді.

ҚР Әскери-теңіз күштерінің пирстерінде бірнеше әскери бөлімдермен өзара іс-қимыл жасап, шартты қарсыластың корабльдерге, гидротехникалық құрылыстарға және жағалау объектілеріне қарсы диверсиялық-барлау іс-қимылдарының алдын алды.

Әскери сүңгуірлер корабльдің корпусы мен түбін миналау тұрғысынан қарап шықты. Жау күштерін тиімді түрде көрсету үшін теңіз жаяу әскерлері бригадасының барлау бөлімшелері тартылды.

«Әскери-теңіз күштері Бас қолбасшысының басқармасында айтылғандай, бұл жаттығудың басты мақсаты – штаб пен кеме экипаждарының дайындық деңгейін тексеру, әскери сүңгуірлермен және теңіз жаяу әскерлерімен корабльдер орналасқан пункттің су-диверсияға қарсы қорғанысын ұйымдастыру мәселелері бойынша өзара іс-қимылды нығайту», - дейді Ақтау гарнизоны баспасөз қызметі.

«Мұндай оқу-жаттығу әскери-теңіз күштерін қорғау үшін қажет. Сондықтан әрбір әскери қызметші жауынгерлік әзірліктің жоғары дәрежесіне келу кезінде өз міндеттерін білуі керек», - деді су-диверсияға қарсы қорғаныс қызметінің бастығы 3-дәрежелі капитан Алмас Битманов.

Жалпы қойылған міндеттер сәтті орындалды. Жеке құрам қажетті практикалық тәжірибе алып, өзінің кәсіби білімін арттырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.