Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтауда дзюдодан Қазақстан чемпионаты өз мәресіне жетті. Байрақты бәсеке төрт күнге созылды. Бұл туралы Ақтау қалалық дене шынықтыру және туризм бөлімінің басшысы Болат Досов мәлімдеді.
Оның айтуынша Нұр-Сұлтан, Алматы және Шымкент қаласы мен елдің 14 облысынан 273 татами шебері қатысты.
«Ел чемпионаты барлық санитариялық-эпидемиологиялық талапты қатаң сақтап Маңғыстау облысының дзюдо федерациясы Қазақстан дзюдо федерациясымен бірлесе ұйымдастырды. Бүгінгі ел біріншілігінің нәтижесінде Қазақстан Республикасының жаңа ұлттық құрамасы жасақталатын болады», - деді Болат Досов.
Жылдың ең маңызды жарысы саналатын ел біріншілігіне ұлттық құрама сапынан бірнеше спортшы татамиге шықты. Жарыс қорытындысы бойынша жеңімпаз атанған спортшылар ұлттық құрама сапына қосылып, жаңа олимпиадалық циклге резерв жасақталады.
«Ақтау татамиінде жаңа есімдер шығып жатыр. Жеңімпаздар қатарынан табылмаса да, белдесу барысында көзге түскен, күрес стилі ерекше жас балуандар көп болды. Ұлттық құрама спортшыларының ізін басатын мықты жастардың өсіп келе жатқаны қуантады. Ересектермен қатар ел чемпионатында жасөспірімдер мен жастар құрамасынан балуандар қатысты. Осы балуандарды келесі олимпиадалық кезеңге, яғни 2024 жылғы Париж Олимпиадасына дайындайтын болады»,- деді Болат Досов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.