Түркия Республикасының Ақтаудағы Бас консулы журналистермен кездесті

Ел Тәуелсіздігінің мерейлі мерекесі қарсаңында Түркия Республикасының Ақтау қаласындағы Бас консулы Мұзаффер Ақйылдырырм облыс орталығындағы бір топ журналистермен кездесті. Әлемдегі індетке орай шаралардың барлығын шектеулі жағдайда өткізіп отырғанын айтқан ол қазақстандықтарды ұлық мейрамымен құтықтады.

- Түркия мен Қазақстан—тарихы мен мәдениеті бір-бірімен сабақтасқан дос әрі бауырлас елдер, - деді Бас консул. - Түркия Қазақстанды Орталық Азия өңіріндегі басты саяси және экономикалық ынтымақтасы және өз өңіріндегі тұрақтылық пен бейбітшіліктің іргетасын қалаушы ел ретінде таниды. 1 желтоқсанда Қазақстанның Тұңғыш Президенті күнін атап өткен қазақ халқы ұлық мерекесін тойлауда. Бұл мереке—болашаққа сеніммен қараған Қазақстанның мақтанышы, ең бір қастерлі күн. Осынау маңызды мейрамға орай дос әрі бауырлас қазақ халқын шын жүректен құттықтай отырып, бейбіт, абыройлы, гүденген мәңгілік ел болуды тілеймін. Елбасы Н.Назарбаевтың көреген ішкі және сыртқы саясаты арқылы Қазақстан өңірдегі ең маңызды әрі күшті рөл атқаратын елге айналды. Бүкіл әлем Қазақстанның қарыштап дамуына таңданыспен қарайтыны рас. Елбасы Еуразиялық идеясын паш еткен алғашқы басшы бола отырып, әлемдік геосаясат және экономикалық орталықтың Азияға қарай ығысуына және Орталық Азия елдерінің қарыштай дамуына да ықпал етті.

Азия, Африка және Еуропа континенттерінің стратегиялық ұштасу нүктесі болып табылатын Түркия әлемдік экономиканың сабақтастығына айналу үшін «Жаңадан Азия» бастамасын көтерді. Түркия осы бұрынғы континенттердің қабілетін, тәжірибесін және динамизмін сабақтастыра отырып, әлемге жаңа бір шуақ шашуды қалайды. Еуразия жағрафиясындағы дос әрі бауырлас елдер болғандықтан әлеуметтік-мәдени және сауда-экномикалық ынтымақтастығымыздың бұдан әрі дамуы—біздің ортақ тағдырымыз. Әлемдік деңгейде халықарарлық қатынастардағы жаңа сынақтар мен саясат, қауіпсіздік, экономика саласының іркіліп қалуына куә болып жүрміз. Осындай қиындықтарға Ковид-19 әлемдік індеті де қосымша болып жатыр. Біздер егемендік пен жер бүтіндігін қастерлей отырып, осы қиындықтармен бірлесіп күресіп келеміз. Түркия Республикасының іргетасын қалаушы Гази Мұстафа Кемал Ататүрік, 1919-1921 жылдары азаттық соғысы кезінде: «Анадолыға ұялаған бұлттар сейіледі, Орталық Азиядағы түркі бауырларымыз да болашақта тәуелсіздіктеріне қол жеткізеді» деп айтып кеткен еді. «Ұлы даланың жеті қыры» атты мақаласында Елбасы өз тарихын білетін, оны қастерлей отырып, мақтан тұтатын халықтың болашағы жарқын болатынына сенімді екенін, өткенін мақтан тұтып, бүгінінің қадірін білу және жарқын болашаққа ұмтылу елдің табысқа жетуінің кепілі екенідгін ежелгі түркі тарихының маңыздылығын атап өткен болатын. деп жазып, ежелгі түркі тарихының маңыздылығын атап өткен болатын. Ортақ құндылықтарымыз Қожа Ахмет Яссауи, Қорқыт ата, Әл-Фараби және Жүніс Әмре сияқты ағартушы ғұлама тұлғалардың ізімен жалғасып келе жатқан елдеріміздің тарихы мен бауырластығымыз, достығымыз мызғымасын.

Игі тілегін жеткізген Бас консул екі ел арасындағы экономикалық байланыстарға, пандемия індеті жайлаған кездегі өзара көмек мәселелеріне де тоқталды, журналистер сауалдарына жауап берді.

Басқосу соңында БАҚ өкілдеріне қонақкәде берілді.

Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.