Қаныбек Жұмашев пен Ринат Құбатаев Ақтау қаласындағы дәрі-дәрмек қоймаларын аралады

Бұл туралы МО әкімдігінің баспасөз қызметі хабарлады.

Бүгін Маңғыстау облысы әкімінің орынбасары Қаныбек Жұмашев пен МО Тауарлар мен көрсетілетін қызметтердің сапасын бақылау департаменті басшысының орынбасары Ринат Құбатаев Ақтау қаласындағы дәрі-дәрмек қоймаларын аралады. Облыстағы дәріханалардың сұранысынын орындап отырған ірі 4 көтерме қойманың басшыларымен жеке-жеке кездесіп, тұрғындар үшін өзекті мәселелер көтерілді. Компания өкілдеріне қойылған негізгі талап:

· Ең әуелі бұған дейін берілген уәдеге сәйкес, апта соңына дейін дәрілерді уақытылы жеткізу.

· Екінші, келген дәрілерді қала, аудандардағы дәріханаларға тең және тез үлестіру.

· Үшінші, баға саясатын реттеу. Яғни, белгілеген шекті бағадан дәрілердің бағасы қымбат болмауын бақылауда ұстау.

Қаныбек Жұмашев қойма басшыларына облыс әкімідігі яғни, жедел штаб қажетті барлық көмекті ұйымдастырып, ат салысуға әзір екендігін айтты. Ең бастысы дәрі-дәрмек тұрғындарға тез жеткізілуі тиіс. Үш көтерме қойма басшысы қазіргі күні сұраныстағы дәрі-дәрмек шекарадан өтіп, жолға шықты деді. Елдің ем-домына қажетті тауардың алды осы аптаның соңында келіп бастайды. Аталған қоймалардағы қызуды түсіретін және вирусқа қарсы бар дәрілер келісімшартқа сәйкес тиісті дәріханаларға жөнелтілуде.

Егер қала, аудандарғы дәріханаларда дәрі әдеттегі бағадан қымбат сатылып жатса, нақты дәлелмен облыстық штабқа хабарласуларыңызды сұраймыз! +7 7292 30 11 77

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.