Бұл туралы Маңғыстау облысының денсаулық сақтау басқармасының баспасөз қызметі хабарлады.
Бүгінде өңірде пневмония диагнозымен 789 адам тіркелген. Жағдайы ауыр науқастардың саны - 71, оның ішінде 13-і өте ауыр күйде жатыр. Бүгінге дейін пневмония диагнозынан 74 адам қайтыс болды. Соңғы тәулікте стационарларға 144 адам түсті, бір тәулік ішінде 19 науқас қайтыс болды.
Қазіргі уақытта облыстық ауруханада қосымша провизорлық стационар ашылған "В" блогында жұмыс істеу үшін медбикелер мен санитарлар қажет. Бұл үшін Маңғыстау облыстық ауруханасының кадрлар бөліміне хабарласыңыз жеткілікті. Үстемеақыны стационар жағдайында жұмыс істеуге келісетіндердің барлығы алады. Бүгінгі таңда бірінші кезекте реаниматологтар жетіспейді. Барлығы кем дегенде 25 дәрігер қажет. Сондай-ақ, апта соңында Ақтөбе облысынан 20 дәрігер дәрігерлік десант келеді деп күтілуде, делінген хабарламада.
Айта кетейік, теннис орталығында 150 төсектік қосымша провизорлық стационар ашылды. Оған пневмониямен ауыратын адамдардың ешқайсысын қабылдап жатқан жоқ. Бұл резерв ретінде ашылған болатын. Жұмыс істеп тұрған провизорлық стационарлар пневмония диагнозы бар науқастарды қабылдауға үлгеріп жатыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
