Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысының және Қарақия ауданының Құрметті азаматы, Қарақия аудандық мәлихатының депутаты, аяулы жар, ардақты әке, ұлағатты ата, ел ақсақалы «Сенек» жауапкершілігі шектеулі серіктестігінің директоры Қалпақ Наурызмағанбетов 2020 жылдың 1 шілдесі күні өмірден өтті.
Қ.Наурызмағанбетов 1941 жылы 17 тамызда Форт-Шевченко қаласында дүниеге келген. Жәңгірхан атындағы Батыс Қазақстан аграрлық-технологиялық университетін бітірген.
1959-1989 жылдар аралығында Маңғыстау мұнайының игерілуіне атсалыса жүріп, Ералиев атындағы кеңшарда бас инженер, партком хатшысы, кеңшар директорына дейін қызметтер атқарған.
1989 жылдан күні бүгінге дейін «Сенек» жауапкершілігі шектеулі серіктестігін басқарып, ауылшаруашылық саласын дамытуға сүбелі үлесін қосты.
Бірнеше рет Маңғыстау облыстық, Қарақия аудандық мәслихатының депутаты болып сайланды.
Қалпақ Наурызмағанбетов осындай қызметтері үшін СССР-дің «Социалистік жарыстың жеңімпазы» алтын медалі, КСРО ХШЖК-нің күміс медалі, «Құрмет орденімен», «Астана» медалімен, «Тың игерудің 50 жылдығы», «Астана 10 жыл», «Парасат» ордені, ҚР Ауыл шаруашылығы министрлігінің құрмет грамотасы, ҚР Президентінің «Алтын сапа» алтын белгілерімен марапатталды.
2015 жылы өткен Маңғыстау облыстық «Мерейлі отбасы» байқауының жеңімпазы Қ.Наурызмағанбетов өнегелі отбасында 6 ұл-қыз тәрбиелеген, 25 немере сүйген қазыналы қария.
Маңғыстау жұртшылығына құрметті болған, қадірлі – жерлес, әріптес ағамыз Қалпақ Наурызмағанбетовтің қайтыс болуына байланысты қайғырып көңіл айтамыз.
Облыс әкімі С. Трұмов,
Облыс әкімінің орынбасарлары Ә. Қыраубаев, Ғ. Ниязов, Қ. Жұмашев, Б. Қашақов, Н. Аққұлов
“Nur Otan” партиясы МО филиалы төрағасының бірінші орынбасары Е. Әбілов,
Облыстық мәслихаттың хатшысы Н. Тумышев
Облыстық Қоғамдық кеңестің төрағасы Қ. Келжанов
Облыстық Ардагерлер кеңесінің төрағасы С. Төлетов
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.