Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
«BIZ BIRGEMIZ» атты жалпыұлттық онлайн форумы аясында коронавирусқа қарсы күресте алдыңғы шепте жүріп, ерлік көрсеткен бірқатар азамат Қазақстан Президенті тағайындаған «Халық алғысы» арнаулы медалімен марапатталды, - деп хабарлайды mangystaumedia.kz сайты.
Форум барысында Қасым-Жомарт Тоқаев індеттен қайтыс болған азаматтардың туыстары мен жақындарына көңіл айтып, вирус жұқтырғандардың тезірек сауығып кетуіне тілектестік білдірді. Президент халықты осындай қиын-қыстау кезеңде зор жауапкершілік танытып, өздерінің, туыстарының және жақындарының денсаулықтарына жанашырлықпен қарауға шақырды. Мемлекет басшысы халқымыздың ауызбіршілік, сабырлық, жанашырлық секілді дәстүрлі құндылықтарын атап өтіп, медицина және полиция қызметкерлеріне, әскери және мемлекеттік қызметшілерге, волонтерлер мен журналистерге, сондай-ақ, қайырымдылық жасаған адамдарға ризашылық білдірді.
Бүгін білім беру, денсаулық сақтау, әлеуметтік қорғау салаларында жемісті еңбек етіп жүрген пандемиямен күресте ерекше үлес қосқан азаматтар Қазақстан Республикасы Президентінің 2020 жылғы 19 маусымдағы Жарлығы бойынша «Халық алғысы» мерекелік медалімен наградталды.
Осыған орай облыс басшысы Серікбай Трұмов қауіпті індетпен күресте еңбегімен еленген маңғыстаулық 7 азаматқа «Халық алғысы» медалін табыстады.
Олардың қатарында белгілі журналист «Хабар» телеарнасының Маңғыстау облысы бойынша тілшісі, «Қоғамдық коммуникация орталығының» директоры Гүлмира Айткенқызы, әлеуметтік қызметкер, №1 арнаулы әлеуметтік қызметтер көрсету орталығы мейірбикесі Ағимаш Ауғанқызы, медицина қызметкері «SofieMedGroup» көпсалалы клиникасы ЖШС директоры Аймет Полатұлы, полиция қызметкері Жаңаөзен қалалық полиция басқармасының испекторы Серік Айтбайұлы, полиция қызметкері Жаңаөзен қалалық полиция басқармасының испекторы Шоқан Маратұлы, коммуналдық қызметкер «Каспий жылу, су арнасы» МКК жылу, сумен қамту учаскесінде апат жұмыстарын қалпына келтіру слесары Ғалымжан Жамбылұлы және мәдениет қызметкері Злиха Тенелбайқызы бар.
Айта кетейік алдағы уақытта 100-ге жуық маңғыстаулық марапатталады.
Жұлдызай ҚАЛИЕВА
Суретті түсірген Серік МАЙЕМЕРОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.