Аймақ тұрғындарына дауылды ескерту туралы 89 хабарлама жолданған

Маңғыстау облысының тұрғындарына дауылды ескерту туралы 89 смс-хабарлама жіберілген. Бұл туралы қоғамдық коммуникациялар орталығында өткен брифинг барысында Маңғыстау облысы Төтенше жағдайлар департаменті бастығының орынбасары, азаматтық қорғау подполковнигі Мұханов Мұрат Сейтмолдаұлы мәлімдеді, - деп хабарлайды mangystaumedia.kz сайты.

Оның айтуынша, төтенше жағдайлар туралы ескертулер ұялы байланыс операторлары арқылы облыс тұрғындарына СМС-хабарлама түрінде уақытылы жіберіледі. Осы кезге дейін дауылды ескерту туралы 89 смс-хабарлама тұрғындарға жолданған. Оның 4-еуі коронавирусқа қатысты болды.

Ал қалғаны ауа райына қатысты ескертулер, оның ішінде көктайғақ – 23, қар – 3, тұман – 58, жел – 42, шаңды боран – 10, жаңбыр – 12, найзағай – 17, бұршақ – 4.

Барлығы Кcеll, Beeline, Tele2, Altel сияқты 800 мыңнан астам ұялы байланыс абоненттері қамтылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.