8 мыңнан астам адам тұрақты жұмыспен қамтылады

Бұл туралы қоғамдық коммуникация орталығында өткен брифингте Маңғыстау облысы әкімінің бірінші орынбасары Әлихан Қыраубаев мәлімдеді, - деп хабарлайды mangystaumedia.kz сайты.

Маңғыстау облысында жұмыспен қамтуға жәрдемдесудің кешенді жоспары әзірленді. Кешенді жоспар аясында 19 мыңға жуық адам жұмыспен қамтуға жәрдемдесу шараларына қатысады. Оның 8 мыңнан астамы тұрақты жұмысқа орналасады.

Сонымен қатар қысқа мерзімді кәсіби курстарды бітірген 840 адам жұмыспен қамтылады. 624 азамат үшін шағын несие қарастырылса, 635 адам жаңа бизнес-идеяларын орындау үшін мемлекеттік гранттармен қамтамасыз етіледі. Ал 376 адам жастар тәжірибесіне жіберіледі.

Кешенді жоспарды іске асыру басталып кетті. Ниет білдірушілер жергілікті жұмыспен қамту орталықтары мен бөлімдеріне хабарласа алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.